Fv. 6010 Langevegen og fv. 660 mellom Åfarnes og Eidsvåg vart stengt søndag kveld på grunn av ras og fare for ytterlegare ras i området. Fv. 660 er opna igjen, men Langevegen har fått store skadar av raset, skriv Møre og Romsdal fylkeskommune på sine heimesider.
Hun var regjeringens EØS-general: Nå advarer hun om at EØS-avtalen ikke er nok
Brynjulv Eide, teamleiar for vegdrift i Møre og Romsdal fylkeskommune, fortel at oppryddingsarbeidet for delar av vegen vil bli krevjande:
– Det er store øydeleggingar på Langevegen. Det har rasa ut store mengder jord, stein og skog i vegbana fleire stader. I tillegg til mykje skadar på sjølve vegbana og infrastruktur, ligg det ei bygning tvers over vegen.
Startar opprydning
Det er usikkert kor lang tid det vil ta å få vegen trygg og køyrbar igjen, men det er tale om fleire dagar.
– Fylkeskommunen vil starte arbeidet med opprydding og reparasjon av Langevegen så snart som mogleg, men det vil ta tid å få vegforbindelse til husa på den strekninga som er hardast råka av ras, opplyser Eide.
Eide: Forsvarsindustrien er enormt på etterskudd
